ليش عمر ازا بحب شي بيخسرو

موضوعي ليش عمر ازا بحب شي بيخسرو........
انا ونايم بكون عم بحلم حلم بكون اخدني عالم كتير كتير بحبو بتجي امي او ابي بتفيقني من نومي
بتصحيني من الحلم من الحلم الي كنت متمني كملو بس ماكمل معي

قبل كم يوم سافر اخي الي هو اقرب واحد الي بهالدنيا لبلاد بعيده عشان يدرس
بهالكم يوووم حسيت بالوحده
بس كان في حدا بحبو من قلبي متل محبت اخي يعوضني اشتياقي وحبي لاخي
وكان هالانسان حبو كمان بقلبي حب انسان مو بحسو قريب مني بهالدنيا
لانو هو دنيتي
معقوله من نصيب عمر يخسر كل شي
بقولو ضربتين عالراس بتوجع
بس والله هي موضربتين
يوم كنت عم قلو بدي ضل جنبك بقولي في خيوط بينا لازم نمشي عليها
طب شو نعمل ازا كنا اتقل من الخيوط وانقطعت هالخيوط
هاد قدرنا
انو نبتعد لانو مافي ناسان مابموت
بس اصعب شي الواحد يموت مرتين
بقولو القط بسبع رواح بس انا ماني قط
انا رح موت مره وحده بس
لانو ماحدا بيتمنى يموت متل القط
كنت بالدكتور قبل شوي
قلي شو وجعك
قلتلو قلبي مات
في عندك دوا برجع نبضات القلب
ممكن ماتسدقو
مارح قلكم روحو اسالو الدكتور

طولت كتير بالحكي عليكم
بس عن جد رح اعيد
ليش عمر ازا بيحلم بحلم
بيجي حدا بصحي من الحلم الي كان بيتمنى يكمو يكمل هالحلم للاخر
ولا الاحلام بتمها احلام
؟؟؟؟؟؟؟
مشكورين لقرائتكم هالموضوع

بتمنى تعلقولي على الموضوع

عموووووووووره

أول شي متل ماودعت تلاقي انشاء الله

تاني شي حبيبي الحلم بضلو حلم

لنو لو تكمل مابيصير حلم وبيصير واقع او قدر

اهم شي انك تسعى مشان تحقق اللي بتحلم فيه دايما عشان يصير واقع

بتمنالك التوفيق

زائر

انا بصفتي صديقك وققريب منك برأيي لأنك ماتعرف تحافظ عليه وبتفرط فيه لاي سبب وماتفكر عواقب اللي تسويه تفكر بنفسك ومصلحتك اولا ثم مشاعر الاخرين ثانيااااااااااااا اذا بدك تملك الشخصحاول تعطيه اكتر ماتاخد منه واللي بدي يملك شي بدي يضحي عشانه وبس س س س س س س س

خيو الله هيك بدوا انت تريد وانا اريد والله يفعل ما يريد
دايما تفاءل ليش هيك متشاءم له له له له خليك ابضاي خيوا
وإن شاءالله كل شيء بتتمناه إن شاء الله يجيك يارب
والله يكون بعونك وبعوضك خيوا
شيل الحزن عجنب وريني ضحكتك لشوف

زائر

عمورة حبيبي سماع لقلك مافي حدا بيكسب كل شي بحظة وحدة لازم يخسر شي حتى ياخد شي بداله ومو كل شي بيجي بسرعة بلتدريج خطوة خطوة بس انت بدك تملك كل شي بلحظة وحدة وهلشي هوة يلي خلاك تخسر

ههههههه احلى شريكة والله

هلق ليش حاطين الحزن بالجرن وقاعدين اخي عمر لازم انت اللي تصننع القدر اللي جاييك لانو القدر هي نتائج اعمالك ولانوا الانسان مابيستنى حتى يشوف شو حظو وشو رح يجيه لاء الانسان بيفكر اذا قدم بهالخطوة شو عواقبها وفوائدها ومتل ماقال فارس انو لازم تتخلى عن شيء مقابل شيء بتحلم فيه
بتمنى تضلك متفائل اكتر منهيك ولا تفكر انو وقفت الدنيا لانو الدنيا عم تمشي فيك وببلاك ولوووووووو وين راحت لبنان والعروس عم تستناك اللي بدك تخطبها
حاول تتحدى الحياة بابتسامة ومرح وحيوية اكتر وتوقع من الحياة كل شيء وسلامتكم>>>ههههه

يسلمو عالموضوع

ملك في يوم من لايام راح يتحقق الحلم حتى لو كان صعب تحقيقة ادعي ربك بكل ماتريد بيعطيك الي بتريد والله مابينساك يارب كل ماتتمنى يصير والبعيد بيرجع قريب والاحلام تتحقق حتى لو ظنيت انها مستحيل

لنك فاشل في كلشي

عمر والله مو عارفة شو قلك
بس حابة قول كلمتين خليون حلق بدنيك << سكتي الشباب ما بحطو حلق

المهم
اول شي لا تنزعج من كلام صياد لانو ما عندو يسالفة
داخل يتمسخر وبس
انت بتقول علقو عالموضوع وهو داخل يتبايخ
من الفضاوة الزايدة الي فيه
على هالكلام رح قول عبارة
(عندما تحترم عدوك تجعله يحس بتفاهته)

تاني شي ما بقول اني خبيرة بهالاشياء
بس انا حاسة بلي انت فيه هلق لاني مريت بنفس المرحلة
وعلى فكرة ما في شي مستحيل بالحياة
بس نحنا ما منعرف كيف نحققو
ما منعرف كيف نستغل مواطن القوة فينا
كمان هون عبارة ( لا يوجد انسان ضعيف بل يوجد انسان يجهل مواطن قوته )

عمر نصيحة مني
لازم تعرف انو الشي الي بدك ياه كتير قريب منك
بس انت مو عارف تجيبو لانك ما عم تفكر كيف تجيبو
انت بس بدك ياه باي طريقة

لو حتى كان هاد فشل بالعكس افتخر فيه لانو ورا كل فشل نجاح كبير كتير متل العبارة هي
(الضربات التي لا تقصم الظهر لا تزيده قوة )

و هي تجربة ومو مهم شو نتائجها المهم شو استفدت منها

اسفة ازا طولت
تقبل مروري ^_^

عمر لا يهمك صيااد انت الفاشل لانك ماراعيت احاسيس النااس الي قدامك مو مقدر ضروفهم واللي يمرون فية
مثل ماقلتي ميرو الفشل هو بداية طريق نجاح عظيم
بعدين مو كل مرة بتحلم فيها ماراح يتحقق لا نهايتو بيصير الحلم حقيقة
لاتكون حزين بتضل حزين وراح ياخذك الحزن رهينة عندو اقهر عدوك بالابتساامة وامسح الدمووع لخااطر من تحب

الصراحه والله ما بعرف شو بدي رد

الصديق الحقيقي هو الي بوقف مع ارفيقو بازماتو مو بحبط فيه وبزود فيه الي جواتو يعني لما الواحد بيفتح قلبو لا نلومو على شي مضى خلص الي مضى راح وانتسى ولحنا ولاد هلا بتمنى الي ببالي يفهم معنى هالكلام

اما الحلم اكيد مارح يتحقق اذا كان حلم بس لو اتحول الحلم على هدف واتخطط للهدف رح اتحققو بس انت حطو براسك والزمن رح يثبتلك طبعا

بعدين لو كان هاد فشل مو عيب انو فشل لازم يفتخر بفشلو لانو عن جد كل فشل وراه نجاح اكبر وكل انسان بيفشل بس بحاول مرة ومرتين وتلاته ليحقق نجاحو العيب انو يوقف ويطلع بفشلو ويتحسر عليه ويمشي الزمن وهو لسا واقف عم يتحسر

هلا صح انقطعو لخيوط بس أكيد كل خيط بذكر بشي حلو وكل خيط لو أثر لهلا ولو عن جد انت بتعز هاد الشخص ما بتنساه لانوا كيد كمان اذا هو بعزك مارح ينساك ولو هو دنيتك لازم تعرف انو حزنك باثر فيه وجعك همك تعبك جرحك كل شي باثر فيه ولو ما عايش معك بحس فيه لانو متل ما هو دنيتك اكيد انت دنيتو والحلم ما بيتحقق اذا انت حطيتو حلم بس بعيد وبقول حولو عهدف وخلي هدفك طموحك وشوف اشلون رح يتحقق ومتل ما بقول المثل الي ما بيجي معك تعال معو الدنيا ما جيت معك الحقا وفرجيا انك اذكى منها اكيد افهمت قصدي

اسفه كتير كتبت جريده من جد اني بالعه راديو ههههههههههه

بس بتمنى ماكون ضايقت حدا بردي هاد وتقبلوو مروري

زائر

بصراحة ولا تزعلوا مني كلكم تعليقاتكم ماعجبتني
لانها برا الموضووووووع
هوة طلب رأيكم بلموضوع مو عشان تعلقوا على يلي بيعلقوا بالموضوع
لمفروض تعلقوا علموضوع بس مو يلي انكتب فيه بعدين من تعليقات واراء كل واحد رأيه وبس
ولاتزعلوا من كلامي
وترى الحب مو برا الحب بلقلب مهما غيرت القدر وبعدت الناس عن بعض حبهم بالقلب ما حدا بيقدر يمسحه
تقبلوا مروري

هههههههههههههههه

والله شكلوا ماحدا فاهم ملك ويمكن حتى انا مافاهمته

ملك لاتتوقع حدا رح يفهمك غير حالك لانو بهالايام ماحدا بيعرف شعور حدا اوالايام اللي هو عم يمر فيها شارك حزنك وفرحك لحالك بكون احسنلك لانو الكل رايح والدنيا فانية واهم الشي تتفهم حالك وتعرف من وين بدك تبدا حياتك ولوين رح توصلك اوك

ولا تحط الحزن بالجرن وتعد

خليك مفرفش ومزمز ميرندا اوك واستمتع بحياتك قبل ماتروح عليك

تقبلوا مروري

بتعرف يا عمر كانك عم تحكي عني انا هيك بحلم بشغله بس مابتتحقق لانو انا وانت مالنا حظ حيك الله كاتبلنا شو بدنا نعمل
والله ياعمر لانو انا حاسه فيك لانو متل ما انت عم تقول هيك بصرلي بس يلا شو بدنا نعمل هيك الله كاتبلنا نضل طول حياتنا ما لنا حظ الله يعييييييييييييين

زائر

انا برأيي يلي بده حظ بيجيه والانسان هوة يلي بيجيب حظه بعقله وبحكمته وبقبه طبعا مو يترك الدنية للحظ مفروض يغيرها م يتركها مشي عكيفهاااااااااااااااا متل الفلتانة ههههههههههههههه

طيب هلئ شو دخل الفلتانه بنص اه قولي فهمني

زائر

مارح فهمك الك عندي ش انا ر بحكي يلي بدي وبفهم يلي بدي ومابدي فهمك هع هع هع هع